अहमदनगर (प्रतिनीधी) – शहरातील अशोका हॉटेल झेंडीगेट ते सक्कर चौक दरम्यान सुरु असलेल्या उड्डाणपुलाचे काम चालु असून अशोका हॉटेल चौक ते स्टेट बँक चौकात पिलर स्टील फिटींगचे काम झाले असून काँक्रीट भरण्यास सुरवात होणार आहे.सुरु असलेल्या या कामामुळे येथील वाहतुकीमध्ये काही बदल करण्यात आले तसे आदेशही जिल्हा पोलीस अधिक्षक मनोज पाटील यांनी मुंंबई पोलीस अधिनियम 1951 चे कलम 33 (1) (ब) अन्वये आदेश काढण्यात आले. त्याप्रमाणे वाहतुक इतर मार्गाने वळविण्यात आली असल्याने जिल्हाधिकारी कार्यालयाकडून भिंगारकडे जाणारी वाहतुक अशोका हॉटेल चौक झेंडीगेट मार्गे वळविण्यात आल्याने औरंगाबादहुन पुणेकडे जाणार्‍या वाहनांची वर्दळ आणि जीपीओची वाहतुक बंद केल्यामुळे तेथून येणारी वाहने यांची प्रचंड मोठ्या प्रमाणात कोंडी झाली आणि वाहनांच्या लांबच-लांब रांगा लागल्या आणि या ठिकाणी वाहने जाणे-येण्यासाठी सध्या कोणतेही नियोजन नसल्याने प्रचंड मोठ्या प्रमाणात ट्रॅफीक जाम होत असून किरकोेळ किंवा गंभीर अपघात होण्याची शक्यताही नाकारता येत नाही. त्यामुळे सदरहु अशोका हॉटेल चौक झेंडीगेट येथे वाहतुकीच्या व्यवस्थेकरिता वाहतुक पोलीस आणि उड्डाणपुल कंपनीने यासाठी योग्य पावले उचलावी पोलीस प्रशासनाने या वाहतुक कोंडीसाठी योग्य ते निर्णय घेऊन शक्य असल्यास वाहतुक पोलीसांमार्फत उड्डाणपुलाचे काम पूर्ण होईपर्यंत येथील वाहतुकीचे नियमन करावे अशी मागणी झेंडीगेट येथील जागरुक नागरिकांमार्फत करण्यात येत आहे.