अहमदनगर दि. 04 – स्त्री शिक्षणाच्या प्रणेत्या व भारताच्या प्रथम महीला शिक्षीका सावित्रीबाई फुले यांनी महात्मा ज्योतीराव फुले यांच्या सहयोगातुन मुलींसाठी पहीली शाळा सुरू करून महीलांसाठी शिक्षणाची दारे उघडी करुन दिली. त्यासाठी प्रचंड संघर्ष केला. त्यामुळेच आज महीला उच्च शिक्षण घेऊन सर्वच क्षेत्रांमध्ये प्रगती करत आहेत, असे प्रतिपादन आ. संग्राम जगताप यांनी केले. सावित्रीबाई फुलेंच्या या संघर्षमयी योगदानाची स्मृती ठेवत राज्य सरकारने त्यांचा जयंती दिन हा महिला शिक्षण दिन म्हणून साजरा करण्याचा निर्णय घेतला असून त्यानुसार शहर जिल्हा राष्ट्रवादी काँग्रेसच्यावतीने महिला शिक्षण दिनाचे आयोजन करण्यात आले असल्याचे राष्ट्रवादी काँग्रेसचे शहर जिल्हाध्यक्ष प्रा माणिकराव विधाते यांनी सांगीतले. ते पुढे म्हणाले की,शहरात सर्व प्रथम कोविड केअर सेंटर हे आयुर्वेद महाविद्यालयात सुरु करण्यात आले. या कोविड सेंटरमध्ये रुग्णसेवा करून आपले योगदान देणार्‍या महिला डॉ. ए. ए. देशमुख, डॉ. पी.एस. जगताप, डॉ. एम. व्ही. देशमुख, डॉ. पी. एस. नलगे, डॉ.व्ही. के. वाघे, डॉ. यु.एस. पाटील, आर. व्ही. म्हसे, डॉ. ए.पी. पवार यांचा यावेळी सत्कार करण्यात आला.

याच बरोबर दामोदर विधाते (मास्तर) प्राथमिक विद्यालयात दर्जेदार शिक्षण देऊन विद्यार्थ्यांच्या शैक्षणिक प्रगतीत मोलाचे योगदान देणार्‍या महिला शिक्षिका श्रीम.शोभा गिते, सविता सोनवणे,शोभा गाडगे, लता म्हस्के, सारिका गायकवाड यांचा देखील सत्कार यावेळी करण्यात आला.कार्यक्रमास राष्ट्रवादी काँग्रेसचे शहर जिल्हाध्यक्ष प्रा माणिक विधाते,सुरेश बनसोडे, अंजली आव्हाड, संतोष ढाकणे, संजय सपकाळ, मळू गाडळकर, संभाजी पवार, दिपक खेडकर, अमित खामकर, भरत गारुडकर, साहेबान जहागीरदार, मतीन शेख, प्रा प्रशांत म्हस्के, शहानवाज शेख, प्रकाश कराळे, खंडू काळे, निलेश इंगळे, गणेश बोरूडे आदी उपस्थित होते.