दि. 16 – दरोड्याच्या तयारीत असलेली टोळी कोतवाली पोलिसांनी पाठलाग करून जेरबंद केली आहे. येथील केडगाव उपनगरातील कांदा मार्केट ते निल हॉटेल परिसरामध्ये ही कारवाई करण्यात आली आहे. पोलिस उपअधीक्षक विशाल ढुमे व पोलिस निरीक्षक राकेश मानगांवकर यांच्या मार्गदर्शनाखाली सहायक पोलिस निरीक्षक विवेक पवार व कर्मचार्‍यांनी सोमवारी मध्यरात्री सापळा रचून आरोपी पकडले. एका मोटारसायकलीवर तिघे, तर दुसर्‍या मोटारसायकलीवर दोघे आरोपी होते. पोलिसांनी एका दुचाकीवरील तिघांना पकडले,दुसर्‍या दुचाकीवरील आरोपी पळून जाण्यात यशस्वी झाले.पोलिस त्याचा शोध घेत आहेत. ताब्यात घेतलेल्या तिघांकडून एअर पिस्टल, विनाक्रमांकाची दुचाकी, स्टीलचा धारदार चाकू,मिरची पावडर असा मुद्देमाल जप्त करण्यात आला. यातील आरोपी नितीन पवार सराईत गुन्हेगार असून त्याच्याविरोधात कोतवाली, नगर तालुका पोलिस ठाण्यात विविध गुन्हे दाखल आहेत.ही कारवाई पोलिस अधिक्षक मनोज पाटील, अपर पोलिस अधिक्षक सौरभ अग्रवाल, उपविभागीय पोलिस अधिकारी विशाल ढुमे यांच्या मार्गादर्शनाखाली पोनि राकेश मानगांवकर, गुन्हे शाखा पथकाचे सपोनि विवेक पवार, पोना योगेश भिंगारदिवे, पोना गणेश धोत्रे, पोना शाहीद शेख, पोना नितीन शिंदे, पोना विष्णु भागवात, रवि टकले, पोकॉ भारत इंगळे, सुजय हिवाळे, सुमित गवळी, तानाजी पवार, प्रमोद लहारे, सोमनाथ राऊत, योगेश कवाष्टे, कैलास शिरसाठी, सुशिल वाघेला यांनी केली आहे.