अहमदनगर | २४ ऑक्टोबर २०२० :

सामजिक कार्य उभे करुन वंचितांचे अश्रू पुसण्यासह त्यांना मायेने आधार देणारे स्नेहालयाचे डॉ. गिरीश कुलकर्णी यांना मेरे देश मे मेरा अपना घर आंदोलन, पीपल्स हेल्पलाईन व भारतीय जनसंसदच्यावतीने दुरितांची स्नेह माऊली सन्मान जाहीर करण्यात आला आहे. दिवाळी पाडव्याच्या
दिवशी कुलकर्णी यांचा या उपाधीने सन्मान केला जाणार असल्याची माहिती अ‍ॅड. कारभारी गवळी
यांनी दिली. तर दिवाळीत एक दिवा स्नेहालयासाठी लावून आपल्या परीने स्नेहालयाला मदत करण्याचे आवाहन करण्यात आले आहे.डॉ. गिरीश कुलकर्णी यांनीस्नेहालयाच्या माध्यमातून मोठ्या उंचीचे सामाजिक कार्य उभे केले आहे. यापूर्वीच त्यांना भारत सरकारचा पद्म पुरस्कार मिळणे अपेक्षित होता.मात्र हा पुरस्कार न मिळाल्याने त्यांना सर्वसामान्य जनतेच्यावतीने हा सन्मान बहाल केला जाणार आहे. त्यांच्या सामाजिक कार्यानी दीन, दुबळे व वंचित घटकांना मोठा आधार मिळाला आहे, असे अ‍ॅड.गवळी यांनी म्हटले आहे.