अहमदनगर (जामखेड) : अहमदनगर येथे नुकत्याच झालेल्या प्रियदर्शनी शाळा अलमगिर येथे झालेल्या 17 वर्षे वयोगटातील शुटींग हॉलीबॉल स्पर्धेत महाराष्ट्रातील 36 जिल्ह्यातील संघांनी सहभाग घेतला होता यामध्ये अहमदनगर शुटींग हॉलीबॉल संघातील खेळाडू याहिया इरफान पठाण यांने उत्कृष्ट खेळ करत प्रेक्षकांच्या डोळ्याचे पारणे फेडले त्याची खेळातील कामगिरी पाहुन निवड समितीने 17 वर्षे वयोगटात महाराष्ट्र शुटींग हॉलीबॉल संघात निवड करण्यात आली आहे. यावेळी बोलताना याहिया पठाण म्हणाला की, माझी महाराष्ट्र संघात निवड झाली याचे श्रेय माजी प्राचार्य इब्राहिम पठाण यांनाच आहे त्यांनीही विभागीय संघात शुटींग हॉलीबॉल स्पर्धेत नैपुण्य मिळवले होते. त्याचाच वारसा मी पुढे चालवत आहे.

मला जावेद सर, ज्येष्ठ समाजसेवक सय्यद अफजल पीरज़ादे, माजी नगरसेवक फय्याज शेख व माझे चुलते साजिद पठाण यांचे मार्गदर्शन मिळाले. त्यांच्या निवडीबद्दल अहमदनगर जिल्ह्यातुन अभिनंदनाचा वर्षांव होत आहे. ऑल इंडिया शुटींग हॉलीबॉल स्पर्धा गजरात येथील अहमदाबाद येथे होणार आहेत यासाठी नेहरू युवा पुरस्कार विजेते गफ्फार शेख, पै. जितेंद्र लांडगे, महेमुद शेख, सादिक शेख, जामखेड पत्रकार संघाचे अध्यक्ष अशोक निमोणकर, नासीर पठाण, मिठूलाल नवलाखा,उपाध्यक्ष सुदाम वराट, अविनाश बोधले , ओंकार दळवी, दिपक देवमाने, मोहिद्दीन तांबोळी,यासीन शेख, समीर शेख, प्रकाश खंडागळे, संजय वारभोग, किरण रेडे, अशोक वीर सामाजिक कार्यकर्ते संजय कोठारी, शिवसेना तालुकाउपप्रमुख संजय काशीद यांनी सांगितले.

अहमदनगर शहरातील मुकुंदनगर भागात ज्येष्ठ समाजसेवक सय्यद अफजल पीरज़ादे, धडाडीचे मैदानी खेळांची अत्यन्त आवड असलेले माजी नगरसेवक फय्याज शेख,साजिद पठाण आणि त्यांचे तरुण तडफदार मित्र आणि सहकारी यांनी सर्वांनी मिळून अत्यन्त कष्टाने व्हॉली बॉल मैदान सर्वाना सोबत घेऊन तयार केले आणि आजच्या मोबाईल गेम खेळणाऱ्या तरुणाईला मैदानी खेळाकडे आणण्यात यश मिळविले आणि त्याचेच फलित आज जिल्ह्यातील खेळाडू महाराष्ट्र संघात स्थान प्राप्त करत आहेत याबद्दल या सर्व सामाजिक कार्यकर्त्यांचे अभिनंदन केले जात आहे.